سن حبیب لم یزل سن یاحسن
عاشِقِ عزَّ وجل سن یاحسن
شاعِرون اشعارینه زینت همی
دفتَرِ عشقه غزل سن یاحسن
یوسِفون گرچه گوزلدور طلعتی
سن ولی اوننان گوزل سن یاحسن
گلمیوب گلمز نظیرون عالمه
دهریده چون بی بدل سن یاحسن
لبلروندن جاریدور شهد و عسل
شهدی سن یا کی عسل سن یاحسن
چوخلاری جنگِ جملده بیلدیلر
فاتِحِ جنگ و جدل سن یاحسن
خصلَت و هم هیبَت و هم فضیلده
شاهِ مردانه مثل سن یاحسن
هم خطیبِ با وِقاریسن همی
مردِ میدانِ عمل سن یاحسن
- جمعه
- 28
- آذر
- 1399
- ساعت
- 23:34
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه