خدنگِ محنت و آلام
بو قلبی بولدی حسینیم
خرابه یئرده یارالی
رقیون ئولدی حسینیم
خرابه نون قاپوسیندا
یولون گوزَتلِیَن ئولدی
علیِّ اصغره لایلای
یاواش یاواش دِیَن ئولدی
رقیه دن دویا بیلمم
مزارینه قویا بیلمم
بابا بابا چاغیراندا
غمی غم اوسته دوزردی
غروب اولاندا گورردیم
ستاره مثلی سوزردی
باتاندا گون داریخاردی
دوداقلاریندا بوزردی
خرابه لرده ملال و
بلالره دوشن ئولدی
رقیه دن دویا بیلمم
مزارینه قویا بیلمم
دئلینده دائما ازبر
اولاردی اکبرین آدی
چالاردی سینیه گیزلین
گلنده اصغرین آدی
قرارین الدن آلاردی
او ماهِ منظرین آدی
دیردی اصغریم الله
صود اَمَّدی ندن ئولدی
رقیه دن دویا بیلمم
مزارینه قویا بیلمم
زِبس یاتاردی آجیننان
مثال گل سارالاردی
دِیَردی عمَّه آجام من
قرارینی غم آلاردی
ولی بالام اوتاناردی
الی اورکده قالاردی
باشیندا قاره عزالی
عزیزِ پنجِ تن ئولدی
رقیه دن دویا بیلمم
مزارینه قویا بیلمم
بو بیر گولونده سارالدی
سنون سولان چمنون تک
بو نسگل اولدی رقیَّون
کفن سیز ئولدی سنون تک
او خوردا پیکری قارداش
یارالیدی بدنون تک
قالیبدی باغِبان آغلار
سارالدی یاسمن ئولدی
رقیه دن دویا بیلمم
مزارینه قویا بیلمم
- جمعه
- 28
- آذر
- 1399
- ساعت
- 23:37
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه