گلدی محرم آچیلدی پرچم
شیعه باشلاندی ایام ماتم
گلون عزایه،باهم نوایه،دللره اولوب،غصه لر همدم
مولا حسین جان ۴
آدون گلنده ئورک دینجلر
کیم اولسا عاشق عزایه گلر
شیعه لر آغلار،قاره وی باغلار،غمون آقاجان،دللری دلر
مولا حسین جان ۴
سینه زنلرون سینه ووراللار
قولسوز عباسون بزمین قوراللار
ال اله ویروب،یا حسین دیوب،غم صحنه سینده،محکم دوراللار
مولا حسین جان ۴
گلور مشامه عطر گل یاس
شیعه لر گینه قویدی بزمِ یاس
قاره کوینگ لر ،باهم سسلوللر ، لبیک یاحسین ، لبیک یا عباس
مولا حسین جان۴
قاره علم لر آهسته اسر
علم اسنده چاره می کسر
قسمت ایت آقا،بیزه کربلا،زیبا مزاره،دللر تلسر
مولا حسین جان۴
- شنبه
- 29
- آذر
- 1399
- ساعت
- 22:52
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه