گل حسین جان دادیمه تز یتیش فریادیمه
اوخ دگیب گورمور گوزیم گل اخا امدایمه
ای شرفلی غملی شاهیم
عالمی یاندیردی آهیم
قویما تک سقانی قارداش
گل منیم پشت و پناهیم
قلبیمه داغ بووئی غملر قالانیب
گوزیمه یوخ ، یانیرام سو جالانیب
آلدی دشمن صاق صولوم سالدیلار تندن قولوم
اوخ دگیب سو مشکیمه قیزلارون گوزلیر یولوم
قالمادی مشکیم سلامت
اولموشام قارداش خجالت
الده سو جامی سکینه
ئولدیریر سقانی غیرت
ایسته سون روحیمی چوخ اینجیمسین
دی سکینه منه سقا دئمه سین
چول دولی هورا سسی گلدی زهرا ناله سی
بیر عمودیلن حسین سیندی باشیم کاسه سی
سینمادی هرگز وقاریم
ای وفالی شهریاریم
پیکریم شان شاندی قارداش
داده گل ای غمگساریم
تانیماسان منی جسمیم بیچیلیب
سرو قدیم بئله قارداش کیچیلیب
گل کی غم سیما گلیب شافع عقبی گلیب
قد کمان پهلو یارا گل آنون زهرا گلیب
گل پیمبر روحی گلدی
قدسیان ممدوحی گلدی
پشت درده ظلم الیلن
میخ در مجروحی گلدی
حیف اولا قامتینی غملر اگییب
یاندی قلبیم یوزینه سیلی دگیبب
قویما زینب آغلاسین غملی قلبین داغلاسین
تشنه لب سقا ئولیر قاره معجر باغلاسین
بیلسه گر زهرا نشانی
اوخلانیبدی قهرمانی
گورسه قولار یوخدی تنده
یاندیرار آهی جهانی
نگراندی بیلیرم اشکی آخور
کربلا یورقونی تل اوسته باخور
- دوشنبه
- 1
- دی
- 1399
- ساعت
- 23:13
- نوشته شده توسط
- یوسف اکبری
ارسال دیدگاه