سبک:ای دل اگر عاشقی
اهل دیله وئر خبر موسم ماتم گلوب
قاره گیون شیعه لر ماه محرم گلوب
(جان یارالی یاحسین)٢
چکدیله قاره گئنه اهل سماگویلره
حور وملک همنوا اولدولا پیغمبره
قاره لچک گتدیله فاطمه اطهره
یاسه باتوب نالیه آدم و عالم گلوب
جان یارالی یاحسین........٢
باری حسین وای سسی دولدوراجاخ عالمی
شیعه لرین قالخاجاخ عرشه قرا پرچمی
آغلاداجاخ عالمی کرببلانین غمی
درده بو غمدن ئورک شیونه هردم گلوب
جان یارالی یاحسین.........٢
وار یری بوآیدا داغ داش ئورگین داغلاسین
حور وملک انس وجان باشه قراباغلاسین
حضرت زهرایه دنیا قوشولوب آغلاسین
یرگوی اولوب دیل بوآی نوحیه باهم گلوب
جان یارالی یاحسین.........٢
تازه لنر قلبیده محنت کرب وبلا
حضرت مهدی سالار بوینونا شال عزا
شیعه لرایلر بپا مجلس سوگ ونوا
چونکی بوآی مقتله مفخرآدم گلوب
جان یارالی یاحسین........٢
آغلیاریک بیزبو آی قاسمیله اکبره
آغلیاریک سودامر تشنه ئولن اصغره
قولاری تندن دوشن یاره لی سرلشکره
کرببلاده جوشوب نالیه علقم گلوب
جان یارالی یاحسین.........٢
وای اوزماندان دوشوب مقتله باشسیز امام
یاره لیوب پیکرین تیغیله قوم ظلام
نعشینین اوسته خانم زینب علیامقام
باشه قویوب اللرین سینه دولی غم گلوب
جان یارالی یاحسین.......٢
باخدی ائلیکی خانوم یارلی قارداشینه
قاتدی ئورک قانینی گوزدن آخان یاشینه
آه چکوب اللرین قویدی ئورک باشینه
شیون وافغانه سرتاسر عالم گلوب
جان یارالی یاحسین.........٢
زینب کبرا چوخور یرده دوشوب بیرحالا
آغلادی احوالینه یکسره اهل سما
عالم معناده تا بلکه اولا همنوا
آسیه و هاجر و ساره و مریم گلوب
جان یارالی یاحسین........٢
- چهارشنبه
- 3
- دی
- 1399
- ساعت
- 23:42
- نوشته شده توسط
- یوسف اکبری
- شاعر:
-
حاج رضا محمدی ولایی
ارسال دیدگاه