آغلا بو محنته ای قائم حق شام و سحر
عمه وین آدین عبیدبن زیاد آلدی خبر
عموه مانع اولوب قید حیا حجب حجاب
ویرمدی عمدا" عبیدالله ملعونه جواب
بیر کنیزی واریدی بیلدی سکوتین سببین
دوردی اعلان ایلدی عمه وین اصل و نسبین
دیدی ظالم بو خانم قلبی یانان زینبدی
شرف و شهرتی دنیانی دوتان زینبدی
بو همان آیه ی تطهیرده کی زهرایه
پاره قلب و قراردل وجان زینبدی
آتا معصوم، آنا معصومه، ایکی قارداش امام
طاهره منصب و صدیقه نشان زینبدی
بو همان مقتل گوداله الی باشدا قاچان
خنجر شمر جفاکاری دوتان زینبدی
چوخ رشیده یدی بش اون گوندی کی قدی بوکولوب
بو همان کرب و بلاده قوجالان زینبدی
یارالی شیریدی باشیندن آخور قان دینمه
بو همان باشینی محملده یاران زینبدی
- جمعه
- 5
- دی
- 1399
- ساعت
- 23:14
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه