شاعر دوغوب حسینچی آنام صود وئروب منه
افتاده شاعرم قاپووا گلمیشم حسین
با اینکه کربلا منیچون قسمت اولمییوب
هرلحظه شاکرم قاپووا گلمیشم حسین
هرچند ئوز ائویندی عزاخانه‌لر سنون
من عین زائرم قاپووا گلمیشم حسین
امّا گوزلدی ئوز حرمونده گلوب دئسم
الان مجاورم قاپووا گلمیشم حسین
عفو ایلسون جسارتی،سندن گیلیلیم
قرخ ایلدی ذاکرم قاپووا گلمیشم حسین
چوخ دوزموشم جمالووی گورمک خیالینه
هجرونده صابرم قاپووا گلمیشم حسین
- جمعه
- 5
- دی
- 1399
- ساعت
- 23:44
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه