ایستورم نقاش اولوب رخسار دلبردن چڪم
یا ڪبوداولموش رخ دلدار حیدردن چڪم
ایلییم تصویر ایاق آلتدا قالان بیر غنچه نی
یا ڪبوتر بالی اوسته رنگین ، احمردن چڪم
آخشام اولجاق اول باغین اودّان چڪم تصویرینی
باغبانی آغلادان بیر حلقه دردن چڪم
نقش ائدم باغین گرڪدور نسترندن منظرین
چهره سین امّا او باغین یاس پرپردن چڪم
رنگینی نیلی ائدم من صفحه اوسته لاله نین
آغلیان اول یرده یالقیز شاه خیبردن چڪم
بیر طرفده هم اود اولسون هم ده اولسون اود ووران
بیر طرفده توپراق اوسته نقش مادرن چڪم
بیر طرفده نقش ائدم توپراقلی بیر چادر شبی
جنسی ڪوثردن اولان مادره معجردن چڪم
چادری توپراقلی اولدی حنجری قان اولمادی
ایستورم گر ممڪن اولسا نقش دیگردن چڪم
اوز خیالیمده گئدم گوداله اشڪ چشمیلن
حنجری ذبح ایلیین بیر تشنه خنجردن چڪم
اول بوغازی نامرتب ایلمیشدی نیزه لر
حنجر اوسته آغلیان غمدیده خواهردن چڪم
گه تنور ایچره او باشی گه ایاق آلتدا قالان
آیریلان ظلمیله من بیر ماه پیڪردن چڪم
باغلانان زنجیره یوللاردا عیال عصمتی
گوشه ویرانه ده بیر نازلی دختردن چڪم
اوز آتاسیلن ائدن نجوا او شیرین دیل قیزی
ال ایاق یاره ، یورولموش ، حالی مضطردن چڪم
- شنبه
- 6
- دی
- 1399
- ساعت
- 20:29
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه