قدرتین وئردی نشان ملتِ ایران نُهِ دی
ائتدی دشمنلری سرگشته و حیران نُهِ دی
تا حسین پرچمینه گوردی اهانت اولونوب
بحر تڪ موج ایلیوب اولدی خروشان نُهِ دی
قویمادی چپ باخا بیگانه او قاره عَلَمَه
یاحسین دیلده سالوب عالمه طوفان نُهِ دی
گرچه ظلمیله عدو اُول عَلَمی یاندیردی
لیڪ حق ائتدی اونی خوار و پشیمان نُهِ دی
فتنه سالدی وطنه ، دشمنِ دین شاد اولدی
غافل از اینڪه وئرر فِعلینه تاوان نُهِ دی
بیر قیام ایلدی امت ، ڪه یقین رهبر تڪ
دئدی احسن بو قیامه حقِ منان ، نُهِ دی
آلدی دین پرچمینی اُمتِ اسلامی اله
دشمنِ دینی ائدوب زار و پریشان نُهِ دی
اود ووروب ریشه سینه فتنه لرین محو ایلدی
خاڪ ایرانی ائدوب صحنِ گلستان نُهِ دی
آدلانوب روز بصیرت آدی ،ڪیم اولسا بَصیر
ایلر اوز جانینی اوز دینینه قُربان نُهِ دی
گوسترر نفرتینی دشمنه ، بیر اهل ولا
بیرده هر ڪیمده اولا غیرت و وجدان نُهِ دی
ایله بیر گوندی ڪه تاریخیده ثبت اولدی آدی
باغلانار رهبریلن بیر تازا پیمان نُهِ دی
ایله بیر گوندی ڪه هر ایل یتیشَن وقته یقین
دشمنِ دینون اولار خانه سی لرزان نُهِ دی
یاشاسین ملتِ ایران ڪه سبب اولدی قالا
زنده تا حشره ڪیمی پرچمِ قرآن نُهِ دی
باش نه لازم دئدیلر اولماسا امنیتیمیز
دینِ اسلامه گرڪدور وئریله قان نُهِ دی
قویمیوبلر هدر اولسون شهدا زحمتینی
اولاری ائتدی دعا شاه شهیدان نُهِ دی
وار یقین اجرلرین حضرت سبحان وئره جاق
روزِ محشرده اولان لحظه نُمایان ، نُه دی
- شنبه
- 6
- دی
- 1399
- ساعت
- 20:39
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه