گینه حق نوری آشڪار اولدی
شیعه لر قلبی ڪامڪار اولدی
هجرتون گلدی ایڪی یوز اوتوزی
لطف حق مسلمینه یار اولدی
صبح وقتینده هشتِ ماه ربیع
آنادان شاه تاجدار اولدی
گلدی دنیایه اون بیریمجی امام
سامرا شهری لاله زار اولدی
عالمی ائتدی سربسر شادی
نوگل باغ حضرت هادی
خلق ائدوب حیِّ قادر و منّان
باغ عصمتده بیر گل خندان
نور زهرا و نور حیدردن
گَتوروب عالمه مهِ رخشان
یر یوزی سربسرایشقلاندی
گوز آچوب تا امام ڪون و مڪان
سامرانون ائدوبدی توپراقینی
رشڪ فردوس و روضه رضوان
عالمی ائتدی سربسر شادی
نو گل باغ حضرت هادی
بو گل باغ آل طاهادی
شهرت و حُسنیده دل آرادی
یادگار جناب پیغمبر
نوهء مرتضا و زهرادی
بنزری وار حُسینیلن حَسنه
چهرهء دلرباسی زیبادی
یدِ بَیضاسی واردی موسی تڪ
دمِ جان بخشی چون مسیحادی
عالمی ائتدی سربسر شادی
نوگل باغ حضرت هادی
جدّی ، فخر تمام مُرسلدور
حُسنیده بو امام اڪملدور
نُه فلڪ فیض آلار جمالیندن
گل یوزی آی ، نه ، بلڪه اَجملدور
گونه هرگز قیاس اولونماز بو
نور حقدور بو ، شمس مشعلدور
وصفی گلمز سایا بو مولودین
شرحینه خامه لر مُقَفلدور
عالمی ائتدی سربسر شادی
نو گل باغ حضرت هادی
تاگلوب سیّدِ اولوالالباب
شاد اولوبدور تمام شیخیله شاب
سطح غبرایه رشڪ قیلدی سپهر
گوز آچان گون وصیِّ ختم ماب
ڪیم باخاردی جمال انورینه
چوخ محالیدی تا اولا سیراب
یری واردور (وَاِن یَڪاد ) اوخونا
ایمدیده اول وجوده یا احباب
عالمی ائتدی سر بسر شادی
نو گل باغ حضرت هادی
پخش ائدون مجلس ایچره نُقل و نبات
گل وجودینده خَلقه وار برڪات
یوسف مصری تڪ ملاحتی وار
ڪیمسه ده واردی بونداڪی حَسَنات؟
هر اورڪده محبتی اولسا
ناریدن حق وئرراو شخصه نجات
بو گئجه چون شب ولادتی دور
گوندرون گل جمالینه صلوات
عالمی ائتدی سربسر شادی
نو گل باغ حضرت هادی
خَلق و خُلقینده چون پیمبردور
بو شجاعتده مثل حیدردور
باخیشی چون شفیعه محشر
حِلمیده مجتبای اطهردور
قلب پاڪینده وار حسین قانی
زینت العابدین دیگردور
علمیده چون محمد باقر
صادق و ڪاظمه برابردور
عالمی ائتدی سربسر شادی
نو گل باغ حضرت هادی
عسڪری ذات حقدن آیتدور
چون رضا صاحب ولایتدور
بو سخاوتده چون امام جواد
منبع بخشش و ڪرامتدور
نور چشم امام هادیدور
اون بیریمجی ولیِّ و حجتدور
بیر امامه آتا اولار ڪه یقین
آخرین شاهڪار خلقتدور
عالمی ائتدی سربسر شادی
نو گل باغ حضرت هادی
صبح وقتینده گوز آچان گون امام
عرش و فرش اهلی اولدی جمله خُرام
سجده ده باشلیوب تلاوت ائدوب
جمله قرانی اُول امامِ هُمام
باب اطهاری تڪ اولان گوندن
درگهینده ملڪلر اولدی غلام
یری واردور بو جِمعیلَن شیدا
بو مڪاندان وئره او نوره سلام
عالمی ائتدی سربسر شادی
نو گل باغ حضرت هادی
- شنبه
- 6
- دی
- 1399
- ساعت
- 20:55
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه