سبک: گلمیشم فغانه یانه یانه عمه...
غرق زینت اولدی ماسوا سراسر
تهنـیـت دیوللر بیر بیره ملکلر
خلقه رهنما گلدی
ختم الانبیا گلدی
مقدمی مبارک (۲)
ایلیوبدی عطری عالمی گلستان
غنچه لر آچوب گل سرولر خرامان
باشلادی ترانه بلبلان خوش خوان
سویلیولّه گلدی آخرین پیمبر
خلقه رهنما گلدی
ختم الانبیا گلدی
مقدمی مبارک (۲)
گلمیوبدی گلمز مثلی بو جهانه
کل انبیادن زبده بیر نشانه
گتدیگی کتابی قالدی جاودانه
یوخ مرامی اوسته بیر مرام دیگر
خلقه رهنما گلدی
ختم الانبیا گلدی
مقدمی مبارک (۲)
یمن مقدمیندن سیندی طاق کسری
یعنی کاخ ظلمی محو ائدر بو مولا
حقه چاتدی قدرت باطل اولدی رسوا
گورنه بحر رحمت خلق ائدوبدی داور
خلقه رهنما گلدی
ختم الانبیا گلدی
مقدمی مبارک (۲)
دفن ائدردی اعراب زنده دخترانی
ایلیوب پیمبر رسم ظلمی فانی
قید بنده گئدن قورتاروب جهانی
ظلم وجهله ویردی خاتمه او سرور
خلقه رهنما گلدی
ختم الانبیا گلدی
مقدمی مبارک (۲)
جمله کائناته رهبر و سر آمد
فخر ممکنات و راز دار سرمد
زینت دوعالم حضرت محمد
نور حسنی ائتمیش عالمی منور
خلقه رهنما گلدی
ختم الانبیا گلدی
مقدمی مبارک (۲)
طلعتی فزونتر کعبه و منادن
باصفادی عشقی مروه و صفادن
سکه ی وقاری دوشمز هئچ بهادن
درگهیندن عالم جود و رحمت ایستر
خلقه رهنما گلدی
ختم الانبیا گلدی
مقدمی مبارک (۲)
- یکشنبه
- 7
- دی
- 1399
- ساعت
- 15:35
- نوشته شده توسط
- یوسف اکبری
- شاعر:
-
حاج فرهاد فکری اردبیلی
ارسال دیدگاه