چوخ ساده دییم دنیادا پیس نیته لعنت
انسانلارا توهین الین طینته لعنت
شیطان جهانخوار دنی سیرته لعنت
ذلت گتیرن جبه پرقیمته لعنت
شیطانیله ال بیر دولانور شیخ امارات
ظاهرده ولی ایلیوری چوخلی مناجات
بیر قلبیده شیطانیله آلله اولا هیهات
سویله بله بی وجهه وشخصیته لعنت
حکام عربده اگر اولسیدی همیت
قویمازدی اولا فاطمه نین خیمه سی غارت
اسراییله ایتمزدی بولار سادجه بیعت
دنیانی قاتان شیخیله او بیعته لعنت
نقشه چکلوب بیعت شومی چخا یاددان
شیخی قوتارا زاده شیطان دادا داد دان
پیغمبره توهین اله دی فوری عناد دان
توهین الین جانی بی غیرته لعنت
توجیه الیور رهبر بی دین فرانسه
آزادی اولوب دنیادا آیین فرانسه
قوی شاد اولا بو ملت غمگین فرانسه
توهینیله دلشادی ایدن ملته لعنت
حکام عرب فکر الیور شوکته چاتدی
اسراییله باش ایدی بویوگ عزته چاتدی
پیغمبره توهین الیوب خفته چاتدی
خفتله بو دنیاده گلن شوکته لعنت
عزت او دگول بمبی ویره آل سعوده
عزت او دگول اوت ویراسان بود ونبوده
قرآنیده حق لعنتی یازمیش بو یهوده
سنده دنن او غاصب اولان دولته لعنت
بو گرمیلینین اهلی ایدور سیزلره اخطار
حکام عرب دوزدی اولوب دنیادا بی عار
عباس علی مثلی بیزیم یاوریمیز وار
قدرتله دییوگ خاین ابرقدرته لعنت
- دوشنبه
- 8
- دی
- 1399
- ساعت
- 23:18
- نوشته شده توسط
- یوسف اکبری
- شاعر:
-
استاد محمد ندایی مشهدلو
ارسال دیدگاه