ای حسین عاشقلری،فاطمه بولبوللری
اهل ولا بزمینه شور سالان دیللری
ماه محرم گلور،دعوت ائدون ائللری
آچ قره پرچملری کوچه و بازاره وور
گئی آقامین قاره سین باش حرم یاره وور
شهریمیزین زینتی اول قره پرچمده دی
شیعه لرون عزتی اول قره پرچمده دی
اهل ولا شهرتی اول قره پرچمده دی
کیم او قرا پرچمه چپ باخا بیل کور اولار
هاردا او پرچم اسه اوردا بلا دور اولار
عشق بیزه ئورگدیب گلسه بلا قوخمیون
باب شفادن فوری شفا قوخمیون
دست ابالفضلده وار درده دوا قوخمیون
دردئوزی اذن اولماسا ایلر حذر ناسیدن
دکتر ئوزی درس آلار حضرت عباسیدن
ای شرفین دریاسی ایندی وفا وقتیدی
ماه محرم گلور شور و نوا وقتیدی
شیعه سنی سسلیور داده،شفا وقتیدی
هئچ کسی بودهریده درده دچار ایلمه
یالواروروخ بیزسنه سن بیزی خار ایلمه
سن بیل آقا سئودیگین قیزلاروون جانینه
سن بیل او شش ماهووین عرشه گئدن قانینه
قولسوز علمداریوین اول لب عطشانینه
گلدی مه ماتمون ای بیزه مولا حسین
بوکرونانی ئوزون ریشه کن ائت یا حسین
بیز سنه بیرعمرودور ایلمشوک نوکری
باشه قرا باغلییب گزمیشوک هیئتلری
ایندی خطر وقتیدی، اهل ولا رهبری
آچ در هئیت لری باخ گوزومون یاشینه
جمع ائله عاشقلری پرچموین باشینه
دونیانی درد آلسادا بیزکی عزاداریووخ
بیز آل آچیب گلمیشوک سائل درباریووخ
جان دئمشوک عشقوه عاشق و دلداریوخ
بیز بونا فخرایلروخ،انس و ملک سویلیوب!
بیر آقامیز واردیکی عالمی مات ایلیوب
- سه شنبه
- 9
- دی
- 1399
- ساعت
- 19:34
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه