ای قلبیمیزه چکن جراحت
چوخ خسته ییدین بو گؤنلر البت
دینجل داها، ائیله استراحت
عباس آقام ائیلییَر شفاعت
سردار، شهادتین مبارک
هر کیم گؤرؤرم گؤزونده یاش وار
جسمین داغیلیب نه قول، نه باش وار
قلبیمده عجیبه ارتعاش وار
قان آغلاماسا مگر علاش(علاج) وار
سردار، شهادتین مبارک
خوش منصبه، خوش مرامه چاتدین
باش فکرینی سن کی باشدان آتدین
عشقیله قیزیل قان ایچره یاتدین
زینب آدین عرشه جک، اوجاتدین
سردار، شهادتین موبارک
ایراندا سنه هامی عزادار
قوربانین اولوم وفالی سردار
سردار سپهبد وفادار
بو هجرانا گؤزلریم قان آغلار
سردار، شهادتین مبارک
تکرار اولاجاقدی چرخ دوران
ناحق یئره گر توکولسه بیر قان
باتماز، قوروماز، جوشار کماکان
قوانین ائدجک جهاندا طوفان
- سه شنبه
- 9
- دی
- 1399
- ساعت
- 20:0
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه