بصیرت اولسا هئچ پیمان یخلماز
خدادن نصرت اولسا جان یخلماز
هر او میلتده وار عشق وارادت
تاپپدور دهریده روح شرافت
اسور تا پرچم سبز ولایت
آچیقدور مکتب سرخ شهادت
سینار شمشیر،لیکن قان یخلماز
ییخلماز ملت ایران یخلماز
ائشیتسون فتنه گرهای زمانه
خیانت پیشگان بی بهانه
ویرا کیم خدشه خط شیعیانه!
اولار تیر ابالفضله نیشانه
که یعنی بیدق ایمان ییخلماز
ییخلماز ملت ایران یخلماز
جوشور هرقلبیده عشق ولایت
ائدور عشق اهلی مولادن حمایت
که یعنی فتنه لر تاپسین نهایت
دییر ایرانلی با لحن صراحت
ولایت پرچمی بیر آن ییخلماز
ییخلماز ملت ایران ییخلماز
نیه دونیاده یوخدور ذره جرات
ائده بو خاک ایرانه جسارت
بیلور میلتده وار عشق ولایت
نه قدری وار امام با بصیرت
لوای سرور خوبان،ییخلماز
ییخلماز ملت ایران یخلماز
بیزیم معیاریمز عشق حسیندی
انیس ویاریمیز عشق حسیندی
جهاندا واریمیز عشق حسیندی
گل و گلزاریمیز عشق حسیندی
بو عشقیله گل و بستان ییخلماز
ییخلماز ملت ایران یخلماز
بوعشقی قلبیدن سیلدیرمک اولماز
بوسرری هرکسه بیلدیرمک اولماز
قرا پوش امتی گولدورمک اولماز
مرام شیعه نی ئولدورمک اولماز
ییخلماز عشق بی پایان ییخلماز
ییخلماز ملت ایران یخلماز
تانور الله ئوزی اهل یقینی
بصیرت صاحبی ایلر امینی
که یعنی بوشلاما حبل المتینی
ییخار بیرلیک همیشه اهل کینی
اگر وحدت اولا انسان ییخلماز
ییخلماز ملت ایران یخلماز
حسین سیز "حیدری"باطلدی طاعت
حسیندور بیرجه مصباح هدایت
حسیندور مرجع خط ولایت
حسیندن تاپدی معنا بو شهادت
که یعنی عشق ئولمز،قان ییخلماز
ییخلماز ملت ایران یخلماز
- سه شنبه
- 9
- دی
- 1399
- ساعت
- 20:4
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه