خيالي مركبه مين قوي اياق ركاب ائوينه
گئدك مدينه ده با هم ابوتراب ائوينه
ايگيرمي بش ايل علي اوردا اولدي خانه نشين
ستمله اولدي پناهنده اول جناب ائوينه
بو ائو او ائودي كي زهراني ثاني بوردا ووروب
سالوبدي پست و فرومايه انقلاب ائوينه
او سيلي بير لكه سالدي آيون جمالينه كي
خجالتيندن ئولونجه گئدوب سحاب ائوينه
فقط ئولنده بيليندي نجه دگوب سيلي
او سيليدن دوشوب اود بيلديلر شهاب ائوينه
چوخ آغليوبدي خانم ، محسنه بو منزلده
قرا چكوبدي تك اللي جنان مآب ائوينه
يرينده ايندي اونون بينوا رباب اوتوروب
دوشوبدي سايه سنگين اضطراب ائوينه
قويوب اوغول ئولومي چوخ يامان گونه خانمي
باخاندا قلبي يانور بختينون خراب ائوينه
اوقدري گوزياشي بيچاره آغليوب اليوب
گورن دير كي بولوطدان ياغوب گلاب ائوينه
آلوبدي اصغرينون قانلي قنداقين الينه
ويرر بو سوزلري زينت خانم كتاب ائوينه
ديور يرون بيلورم خوشدي گلميورسن اوغول
گولون سالوبدي يرين باغبان تراب ائوينه
گمانون اولسا اگر ايلده بير يول عاشورا
صله رحمدن اوتور گل ننون رباب ائوينه
- پنج شنبه
- 11
- دی
- 1399
- ساعت
- 14:53
- نوشته شده توسط
- یوسف اکبری
ارسال دیدگاه