ای نور چشم زهرا
ای عرش و فرش مولا
خونخواه آل طاها
زهرا بالاسی تئز گل
حسرت اوتوندا یانام
سایونده دالدالانام
گل باشیوه دولانام
زهرا بالاسی تئز گل
ای اعتباریمیز گل
باغ و بهاریمیز گل
گئتدی قراریمیز گل
زهرا بالاسی تئز گل
وار سینه‌لرده کُوزلر
یولاردا قالدی گوزلر
دیلرده اولدی سوزلر
زهرا بالاسی تئز گل
سن بیل او شاه بی سر
سن بیل علی اصغر
سن بیل رباب مضطر
زهرا بالاسی تئز گل
ای عالمون پناهی
ای عشقیمون گواهی
ای شیعه داد خواهی
زهرا بالاسی تئز گل
گل صبریمیز تالاندی
هجرونده سینه یاندی
گل هارداسان اماندی
زهرا بالاسی تئز گل
محنت توتوب زمانی
غم یُوردی شیعیانی
سن بیل رقیه جانی
زهرا بالاسی تئز گل
- پنج شنبه
- 11
- دی
- 1399
- ساعت
- 14:59
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه