فرقتی درده سالوب من درده درمان ایسترم
شیشۀ عمروم داشور جانانیدن جان ایسترم
درد هجرانه دوزوم یوخ انتظارم جان بلب
بارالها رحمتوندن وصله احسان ایسترم
زخمدارم تیرمژگانی دگوب دورسینمه
حاضرم اوخ دا دگه بو قلبه پیکان ایسترم
غیبت صغرایه دوزدوخ یوخ دوزوم کبراسینه
یر یوزونده عدل گستر شاه و سلطان ایسترم
عالَم اون سوز عالم اولمازهرآییم فصل خزان
باغبان عشقیدن گلزار و رضوان ایسترم
گرچه یوخ منده لیاقت گورماقا اولسروری
یوسف زهرانی لیک بیتمیمده مهمان ایسترم
صاحب دنیا گلینجن قیل دوا بو دردیمه
من معالج هم طبیب دردمندان ایسترم
امرایله انسانلارا سندیرماسین آئین دین
ساخلین قرآن و دین غیرتلی انسان ایسترم
حکمت ومنطق اولوبدی بی اثرویرمورثمر
بحرعرفاندان الهی قطره برهان ایسترم
زینب کبری کیمی آختاردیم امّا تاپمادیم
راه اسلامی گیدن مؤمن مسلمان ایسترم
بد حجاب وبی حجاب اعمال ناشایست دوست
باغریمی قان ایلیوب اصلاح وجدان ایسترم
(عدلیا) بیگانه لرتیشه ویرانماز دینوه
آشنالردن حذرایت سویله ایمان ایسترم
- شنبه
- 13
- دی
- 1399
- ساعت
- 23:11
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه