يابن الحسن ايله ظهور خزانميز بهاراولا
گل اميديميزآچا دوباره لاله زار اولا
فاطمه نون بالاسي گل گتور صفا بوعالمه
عطا وجودو ويله تا خجسته روزگاراولا
چشم انتظاران بيقرار بهارلاري اولوب خزان
چشم انتظاری قويما چوخ ديده سي چشمه سار اولا
بو دلشكسته اُمّتين دونرگه گسي دونوبدی گل
اهريمن ايستمور بيزه زمانه سازگار اولا
يتوب جفا نهايته ظلم اولونوربو شيعه وه
ظالم دوران ايستوری گون بيزه شام تاراولا
ويريدولر گوروم خدا بو مژده ني گلور امام
فرشتة نجاتي حق ايستمور انتظار اولا
جدون حسينه مرحبا قانيله ساخليوب ديني
يازدی آخان قاني بو دين هميشه پايدار اولا
منتقم خون حسين گل دَم انتقام دور
اولما رضا حسيني لر بير بيله بي قرار اولا
ايتگين مزار فاطمه داغ دل بو شيعه دی
كاش آناوون مزاری بو شيعيه آشكار اولا
پردۀ غيبتده قالان بير نظر ايت بو (عدليه)
سنگ صبورعاشقان غم لره برد بار اولا
- شنبه
- 13
- دی
- 1399
- ساعت
- 23:27
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه