(بوراخما دامن آل اللهی سن)
دلا سر پوش عالم چون حباب دی
قره ابرین دالیندا آفتاب دی
یمه غم روزونون آز چوخلوقوندا
که چون روز دگر یُومَ الحساب دی
چالیش خیره عزیز اینجیتمه خلقی
اوگونده خیر لر حدّ نصاب دی
بسا چوخ پاک دل وارخلق ایچینده
جفامیزدان بیزیم قانه خضاب دی
سنق قلبی اَلَهَ سال حقه خاطر
که نار آرزولرده کباب دی
ایشید بوسوزلری احبابیدن سن
که اجر زحمت نادان عذاب دی
اودون کش اولما چکمه بارذلّت
که مزد هر اودون کش منجلاب دی
خموش اول دینمه ماقلیق پیشه ایله
نهان سرّه عریزیم بو خطاب دی
سعادت آختارورسان یوم حسرت
گیت اورگش قرآنی اُمُ الکتاب دی
بوراخما دامن آل اللهی سن
دئین بو مطلبی ختمی مأب دی
سفارش ایلیوب قرآن وعترت
جدا اولماز سیزه راه صواب دی
ویرون حبل اللهَ اَل هر زماندا
نجات مؤمنینه بو طناب دی
یازارسنجیده سوزقارداش بو(عدلی)
قانار اول کس آیوقدی نه که خواب دی
- شنبه
- 13
- دی
- 1399
- ساعت
- 23:29
- نوشته شده توسط
- یوسیف اکبری
- شاعر:
-
حاج اصغر فرشچی
ارسال دیدگاه