كشتی فلك نجاته نا خدا سن يا حسين
دين حق قربانی هم خون خدا سن يا حسين
سن رسول اللهَ جان و نور عين فاطمه
شأنينه نازل اولان قُل اِنَمّا سن يا حسين
كعبۀ اميد سن مُحرم اولان عاشقلره
مشعرو هم مروه و ركن صفا سن يا حسين
«ياحسين» هر كيم ديسه معجز گورر حق ديده سی
چون توسل ايليوب باب شِفا سن يا حسين
نا اميد اولسا مريض گر اوز طبيبيندن بيری
دفعتاً سسلر آدون ذكر دعا سن يا حسين
معرفت درياسی سان كان كرم حبل المتين
خط عشقه سن دليل و رهنما سن يا حسين
ذبح اعظم باشون اولدی ليك نوك نيزه ده
معجزه ويردون نشان معجزنما سن يا حسين
ويردون انگشتر همی بارماق آپاردی ساربان
سن خداوند محبّت هم عطا سن يا حسين
راهبی دير ايچره سن ايتدون مسلمان خالقه
سن تمام بيگا نگانه آشنا سن يا حسين
بير نگاهون ظلمت و تاريكينی ايلر سحر
سن يدالله اوغولوسان مشكل گشا سن يا حسين
كيميا اولسا اگر توپراق ديوللر زر اولار
تربتونده چوخ اثر وار كيميا سن يا حسين
قيل نظربو«عدليه » قورخور قيامتدن حسين
محرم دل شافع روز جزا سن يا حسین
- شنبه
- 13
- دی
- 1399
- ساعت
- 23:51
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه