هرایکی عالمده گویلون ایستسه گرعزّ و جاه
تابع امر خدا اول انتخاب ایت شاهراه
داغ باشیندان سوآخارحاصل اولارتا جویبار
عاقبت قسمت اونا دریا اولار یا اینکه چاه
قعر دریاده صدف درّ و گهر یاقوت اولار
خس دوتار دریا یوزون یا دستۀ هرزه گیاه
یوسفه گر اولماسیدی چاه ظلمانی مکان
قسمت اولمازدی اوملک مصره اولسون پادشاه
کیمسه مغرورخود بین اولسامردمه گردن دوتان
سندیرار مردم ایچینده خالق ایلر روسیاه
عزّت و ذلّت ویرن تنها خدا دور لامکان
باخ تُعِزُّ مَن تشایه آیۀ نصح اِلاه
رمز و راز کهکشانی اورگدوب پروردگار
چشم بینا ایستوری تا اَنجُمَه ایتسون نگاه
کاهل اولما امر حقّه قیل نمازون روزوشب
دست بسته قیلما اول امر رسوله آشناه
دست بسته قیلمیوب پیغمبر رحمت نماز
تابعی قیلماز یقینا سنّتی ایتمز تباه
دینه بدعت دی نمازدست بسته هرقیلان
باش اگوب اوچ جاهله جاهل اولانماز دینخواه
باخ گور عالمده نجور اولاد پیغمیر قیلوب
گل اولارتک قیل نمازون دنیادا اول حق پناه
نفسه تابع اولما ال چک لات وعزّادن نچون
اوچ کیشی محشرده نادمدی چکرفریاد وآه
نیمه شب گرصورتون قویسان ترابه صدقیلن
مسندون قُدسی اولار راز و نیازه جایگاه
هر مُوذّن سسلننده لطف اولونسا (عدلیه)
حق نمازون قیلماقا بیدار اولار هرصبحگاه
- یکشنبه
- 14
- دی
- 1399
- ساعت
- 22:18
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه