نه اولار چیره اولا گون قوتولا ظلمت و تار
گلشن مهر و محبّت گل آچا اولمیه خار
نه اولار ابر شرفدن سو ایچه ریشه عدل
عدل اولا دیوان اولا حق اولا دیوانه سوار
نه اولار مهر و وفا حاکم اولا اولکمیزه
حاکمین حکمی چکه مفسدی تا چوبه دار
نه اولار نور عدالت یاییلا یر یوزنه
گجه آی روشن ایده گوندوزی گون اولمیه تار
نه اولار خشک اولا بو ریشه بد بختی و فقر
یره باش تیکمییه هر یرده ندار اولمیه خوار
نه اولار وار گله تقسیم اولا انصاف اولونا
نه که وارلیق مینه انسانی اولا کولۀ بار
نه اولار کهنه رسومات گیده نور رسم گله
اختشاش سالمیه بلکه یخیلا کهنه حصار
نه اولار دنیا گوره حق طلبی حقه چاتوب
حق سوزون قیمتی واردی اونی بولموله شعار
نه اولار بو وطن اولادینه شادلیق یارانا
امّت احمده (ص) عزّت تاپولا اولمیه زار
نه اولار سهم عدالت چاتا مخلوق الینه
منحصر اولمیه بیرعده اولا مست وخمار
نه اولار (عدلی) گوره مهدی زهرا بالاسین
ذلفقار الده گلور عیسی مریم او نا یار
- چهارشنبه
- 17
- دی
- 1399
- ساعت
- 18:22
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه