بو محفل غملی محفیلدی بو یرده شاد حال اولماز
حسیندن سوزدانش بوردا داخی آیری مقال اولماز
صفا ونیّت پاک ایستوری بو مجلسه گلماخ
ریالی اولسا بو چشمه بولاندوردوخ زُلال اولماز
حسینون نوکرینده گرریا اولسا الی بوش دور
بویولدا کج گیده هرکیم قبول ذوالجلال اولماز
سو ایستر باغ وبوستاندا گلرمیوه اولارحاصل
زمین شوریده هرگز آغاج بیتمز نَهال اولماز
بودر گاهه گلن کسب کمال و معرفت ایلر
حسینون عشقی هرکسده اولا اوندا ملال اولماز
ایچرحق مکتبیندن مِی . ولایت مستی گراولسا
تاپار بیرحال که عالمده اونا بیر آیری حال اولماز
چخاردریای غفلتدن همیشه حق و«هو»سسلر
چکر ال مال و مکنتدن گرفتار مَنال اولماز
حسينون عاشقي عارفدي حكم دين و قرآنه
حق و ناحق اونا واضحدي آسوده خيال اولماز
بولرمولاسي نهي ازمنكرين اوسته گچوب جاندان
شهيد راه حق دور قاني هرگز پايمال اولماز
دورار مُنكر قباقينده چكر معروفه بو خلقي
سكوت اتمزمجالسده جماعت ايچره لال اولماز
يوز اون دورت سوره قرآندا يازولموش آيه به آيه
بو مطلب حكم يزداندي حرام شرع حلال اولماز
بودرگاهه گلن حكم خدادن چخميوب چخماز
محافلده گیدوب مست شراب ابتذال اولماز
حسينون عاشقي ايلده دوتوب اون گون عزاداري
گيدوب تا بيرده ايل دونسون بفكر جمع مال اولماز
سنون عمرون قارا بنزر دايانموش گون قباقينده
گونون اول ايستي وقتينده ارور عمرون مَجال اولماز
نقدري وار توانون گل بو مجلسده آپار توشه
توان گتسه اگر سندن ديمه گلّم مُحال اولماز
گيدرجنّاته هركيم آغلاسا بو شاه مظلومه
ديين معصوم دور هرگزسوزونده احتمال اولماز
اولن گون قبرين اوّل منزلينده دوز ديسه عاشق
اولار مهرحسيندن قبري نوراني ضَلال اولماز
اخور قرآن ديرنوحه دوز عاشق بو مجالسده
ايدوب ضايع اوزون بالله تمناي مِدال اولماز
گلر رزقون تلاش اتمه حرامه مبتلا اولما
معيّن دورسنون روزون چوخ آزليقدا جدال اولماز
اودرياي كرم عاجز دگول روزي سنه ويرسون
ويرربير جاه و عزّت كه ايله جاه و جلال اولماز
بيري مداح اولسا شرطي تقوا دوركرگ اولسون
و الّا چوخ اخور امّا اويرده شور و حال اولماز
اوركدن عشقي واردي «عدلنون» شاه شهيدانه
حقيقت دور سوزي درياي عرفانداخيال اولماز
- چهارشنبه
- 17
- دی
- 1399
- ساعت
- 18:24
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه