سبک : حسین یارالاریوه قربان......
راحت بو قان ایچره یاتما
آی تک بو زماندا باتما
دوربیرده منه اول غمخوار
وصلی بئله فصله ساتما
دورپرچمون بیرده اله آل
سورمرکبون فراته یول سال
یاندی حرم لرخیمه لرده
سن قیدیمه قارداش اوزون قال
سندی بلیم قارداش ابالفضل
آغلارگوزوم قانیاش ابالفضل
جسمونده یاران باش باشا
ویرموش اثرین داغ داشا
دورسیل غمون ایستوری
قارداش بوباشیمدان آشا
آماج دورجسمون سیوفه
دوشدون مَهِ هاشم خسوفه
قدیم خم اولدی باشون اوسته
ایلورشماتت اهل کوفه
سندی بلیم قارداش ابالفضل
آغلارگوزوم قانیاش ابالفضل
سو مشکینی نهره سالدون
آرامی قوشوندان آلدون
سو ایچمدون اولسون سو خار
قیدیمده برادر قالدون
دوشدی قوشون ایچره هیاهو
نهری آلوب رشید و مَه رو
رام ایلیوب نفسین مُواسات
تشنه چخوب میل ایتمدی سو
سندی بلیم قارداش ابالفضل
آغلارگوزوم قانیاش ابالفضل
سنسن بوسپاهه سردار
دورآچدی منه ال اشرار
اطرافمی دشمن آلدی
سندنصورا یوخ غمخوار
بولمول له من مصباح دینم
دخت رسوله نور عینم
سن جعفرطیّاریم اولسه
بو چولده بی یار و معینم
سندی بلیم قارداش ابالفضل
آغلارگوزوم قانیاش ابالفضل
ای قامتی قدّی طوبا
مثلون گوره بولمز دنیا
رحم ایتمدی سو اوسته
قول لاریوی سالدی اعدا
اطرافووی دشمن لرآلدی
قوللاریوی ظلمیله سالدی
آخدی قانون مشکون سوئی تک
مشک و علم دور یرده قالدی
سندی بلیم قارداش ابالفضل
آغلارگوزوم قانیاش ابالفضل
جاتدی بو دنی لرکامه
گوندوز منه دوندی شامه
سنسیز منی قویدی نوفَل
لعنت بو سپاه شامه
گل تک سولوب خوردا اوشاقلار
خشکیده دی تشنه دوداقلار
بولمول له مشکینده سویون یوخ
تیکموش گوزون یولا قوناقلار
سندی بلیم قارداش ابالفضل
آغلارگوزوم قانیاش ابالفضل
یازدی من حسینه نوحه
ویرسین اثرین نوحه(۱)
آلله من حسینه خاطر
ثبت ایله سوزون لوحه
ای درگهی رحمت پناهی
وار (عدلینون) چوخ اشتباهی
جرمون بغیشله من حسینه
عفو ایله بو غرق گناهی
سندی بلیم قارداش ابالفضل
آغلارگوزوم قانیاش ابالفضل
(۱)= حضرت نوح علیهم السلام
- چهارشنبه
- 17
- دی
- 1399
- ساعت
- 18:48
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه