ای جوانان ای شهيدان وطن
ای اولانلار قانيله گلگون كفن
حق يولوندا بذل ايدنلر جان و تن
قانوزی تپراقلارا قاتدوزعجب
تپراق آتـدا نازيله ياتدوعجب
ای گلستان وطن گل رولری
تيرخورده زخمدار آهولری
ای باتان قانه قد دلجولری
عالم ايلر شأنيده حسـرت سيزه
خوش ياتون الله ايده رحمت سيزه
سيزاوسوز جاندان گچوبسوز داديله
حقی اعلان ايلدوز فريا ديله
سيزمبارز اولدوز استبدا ديله
گتدی جان سندير مادوز پيمانوزی
ايتدوز ايثار وطن اوز قانوزی
جانوزی ايرانه قربان ايلدوز
كاخ اسـتبدادی ويران ايلدوز
ظالمی رسوای دوران ايلدوز
گرچه آغلاتدوز باجی قارداشوزی
ليك اوزی حق لطـف ايدر پاداشوزی
نهضت پاك حسينی ايلدوز
جانويروب احيا بو دينی ايلدوز
ذكروزی دين وخمينی ايلدوز
گتدی باشوز دشمنه باش اگمه دوز
سينه زه دگدی يارا قاش اگمه دوز
سيزاوسوز عالمده ای اهل يقين
قانيله يازدوز يره قرآن و دين
آفرين ايمانوزه صد آفرين
زنده قيلدوز قانيله قرآنی سيز
ايلدوز تجديد عاشورانی سيز
حقه سيز جان بذل ايدن بیر بنده سوز
اُولموسوز ديللرده امّا زنده سوز
اُلمَه سوز تا وار جهان پاينده سوز
ثبت اولارتاريخـيده آدوز قالار
بوفضا موجوندا فريادوز قالار
گر چه خاكيله هم آغوش اولموسوز
دست ظلميله كفن پوش اولموسوز
سُونمه سوز ظاهرده خاموش اولموسوز
ليك خاطردن فراموش اولماسوز
داغ سوز ديللرده خاموش اولماسوز
- چهارشنبه
- 17
- دی
- 1399
- ساعت
- 23:6
- نوشته شده توسط
- یوسف اکبری
- شاعر:
-
مرحوم غلامعلی باقری
ارسال دیدگاه