گلشن آبادیده بیر گل دئدی پروانیه
ایستمور گویلوم گورم گلمه داخی گلخانیه
دویموشام بو گلستان گر چه منه کاشانه دی
خوش نوا بلبل منیم عشقیمده چون دیوانه دی
من گل زیبا محیطیم بلبل و پروانه دی
لیک مرغ عشقم وتن دور قفس غم دانه دی
من گولون احوالینی سن آلمادون بیر گون خبر
برگیم اوسته یوخدی شبنم گوزلریمده اشک تر
گر چه من زیبا گولم لیکن دلیمده آه اولار
بولمورم من تک گولون عمری ندن کوتاه اولار
گلشنه باخما طراوت وار گلر فصل خزان
گول لری بلبولدن ایلر باغبانی با غریقان
تا ایشدّی بو سوزی پروانه یاندی آغلادی
بیر دولاندی باشینه آهسته سینه داغلادی
گلدی اگلشدی گول اوسته گوردی اولموش بیقرار
یوزقویوب رخسارینه بیرمطلب ایتدی آشکار
عرض ایدوب سر بسته بو زیبا کلامی با ادب
ای گل خوشبو و زیبا وار دور عالمده سبب
عمروون کوته لیقی عین شهیدان دور سنون
زندگی وارساق وبرگونده که پنهان دور سنون
عمرون آز پر باریدی ایتمه بیله آه و نوا
سن شهید لرتک ویرر روحون بو دنیایه صفا
گلستانون گوللرین بو سوزده (عدلی ) شاد ایدوب
لیک بلبل غملنوب داده گلوب فریاد ایدوب
- چهارشنبه
- 17
- دی
- 1399
- ساعت
- 23:9
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه