لطف ایله نظر قیل آقا جان گم شدگانه
بیر جام محبّت ویر ایچه می زدگانه
هجران غمونون مستی اولان غمدن آییلماز
بیر گوشۀ چشمی نظر ایت دل شدگانه
مجنون اولا گر عالمیا ن وار نه تعجّب
باخسا او گوزل خال لَبه غنچه دهانه
بیر قطره دگه لعل لبون چشمۀ دنیا
انسانه اولارآب حیات پیرو جوانه
صبریم قوتولوب یوخدی تحملّ بو فراقه
تاریک ایلیوب گوندوزومی دور زمانه
قربان قدِ رعنایه قدم قوی گوزوم اوسته
خاک قدمون تا یووولا اشگ روانه
گلسن اولی گلشن گل آچار باغ محبّت
آفاقیده هر کیمسه چاتار اَمن و اَمانه
بیر گولماقووا گلشن و گلزاراولی خندان
باج ویرمزاوگون گلشن دین فصل خزانه
قراندا اولان حکم الهی اولی اجرا
برزخ ایده سن دنیانی زالو صفتانه
مخفی آنا قبرین ایده سن خلقه مشخّص
عالم هامی واقف اولار اسرار نهانه
دورت طایفه که گمره اولوب طول زماندا
خجلت زده دی اولماز ایده عذرو بهانه
حقین نمازین پشت سرینده قیلارعیسی
کیمسه او زمان راضی دگور ترک جهانه
چوخ منتظرون واریولووی گوزلورآقا گل
(عدلیده) قاتوبدور اوزونی منتظرانه
- پنج شنبه
- 18
- دی
- 1399
- ساعت
- 11:58
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه