آچدی گوز دنیایه سجّاد سرور روی زمین
فخر دنیای بشردی نسل طاها یاء و سین
جدّی احمد جدّه سی زهرای اطهر آد علی
مرتضی تک اسمی اعظم نور چشمان حسین
بو توّلد عرش و فرش وذیحیاتی شاد ایدوب
نور پاکی ایلیوب اولدی منوّر مُلک دین
یوسف حُسن ملاحت گوهر دریای جود
قبلۀ اهل ولا و کعبۀ اهل یقین
وارث اَسماء حُسنی عالِم عِلمِ لَدُن
تکیه گاه فضل و دانش پایۀ عرش برین
وارث علم امامت حجّت پروردگار
سرو بستان ولایت عالمه حَبلُ المَتین
فخر ساجد" زین العابد " الامین و الزّکی
پادشاه یثرب وبطحا سِراج المتّقین
همنشین روضۀ رضواندی (عدلی) روز حشر
بو امامیله اولانلار یز یوزونده همنشین
- پنج شنبه
- 18
- دی
- 1399
- ساعت
- 12:2
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه