گلمدی مهدی خدا قانه دونوب ديللريمز
يوسف فاطمه اول عدل ايلين داوريمز
نرگس و فاطمه نون دُرداناسی گُل بالاسی
آقاجان منتظروق گل بو جهانون آقاسی
اي خدا گوندر اوني گوندوز اولا هرگجه ميز
گله تا زاده ی شير مظهر فرِّخ فريمز
حُبّ عشقيندن ايچوب منتظران باده ی عشق
گينه وار ميل ايده لر ويرسه اگر ساغريمز
هي توكّلتُ علی الله و صمد هو ديولور
گوزلوروخ هر جمعه نی تا گله وار باوريمز
سسلنور ير يوزونون حُجّتی اي شاه زمن
گل آنان فاطمه نون قانيين آلان ياوريمز
شرق و غرب دين ايوينی يخماقا واردور هدفی
لطف ايله تجهيز اولا لشگر و سر لشگريمز
بوحجاب آيه سینی دانديلابير عدّه دانان
آزقالورعصرگذشته اولابوكشوريمز
گلسه عالم اولی عالم يتروق مقصده بيز
حكم ايدر حقه بيزی نظمه دوشر ايشلريمز
قلب عالمدی اوزی واقف اسرار درون
ترك اولار كِذب و ريا دوز اولی بو سوز لريمز
اونا عاشق اولان عاشقدی حسينه ديوری
هرگون عاشور ودی هم كربوبلا يرلريمز
گلسه اونلا گيدروخ جدّی حسين مدفنينه
ياتوب اوردانوه ی گلرخ پيغمبريمز
ياتوب اوردا يارالی سينه ده بيرسود امری
تشنه لب باب الحوائيج بالاسی اصغريمز
بنزين ختم رسوله يارالاردان يورولان
اياقی آتدا ياتوب دينه فدا اكبريمز
آدی سقای حرم باب كرم باب نجات
نهرالقمده دوشن قبری كيچيك سروريمز
اوياتان يردی ياتوب يتميش ايكی پيرو جوان
هر بيری قرمزی قاندان گل آچان گللريمز
«عدليه» باده ويرن بير دولی پيمانه ويروب
مست دور تا به قيامت اولا تا كيفريمز
- پنج شنبه
- 18
- دی
- 1399
- ساعت
- 22:2
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه