کیمدی زینب دخت زهرا وعلی شاه نجف
خواهرسلطان عشق و گوهرگنج شرف
کیمدی زینب جام وحدتدن همیشه مست مست
مست عاشورا و هم مست می روزالست
گلشن دینه گل عزّت عفیفه با ادب
باغ عشقه باغبان و نکته سنج وحق طلب
بیر خانومدی چون آناسی فاطمه تک با وقار
کوفه ده ایلردی نسوان بیرسلامه افتخار
کیمدی زینب کشتی ایجاده لنگر شرزه شیر
کربلاده گل لری پرپر اولوب اولدی اسیر
زینبی که بعد عاشورا و خون و کربلا
اولدی موسای زمان و لیک دلدیدی عصا
مرتضا تک نطقی گویا مثل گوهرتابناک
بو پیام آوردی خلقه بیرمهین بانوی پاک
پرچم دین الده دوتدی مرتضادن یادگار
امتیازآلدی آچوب مکتب اولوب آموزگار
گوز آچان گون عالمی ایتموشدی ما نند بهار
قهرمان کربلا اولسون گلوب زهرا تبار
زینبی الله یارتدی قارداشا فریاد رس
خضرظلمات بلاو اهل بیته دادرس
زینبی که شیرحق تک تک سوار وجنگجو
شیرزهرانی اموبدی شیرایدوبدی شیرخو
شیرزهرانی امن آری اولارمرد آفرین
فاتح شامات وکوفه قارداشا یارومعین
شیرزهرانی امن مست می مینااولار
عرصۀ غیرتده کان وعصمته دارا اولار
شیر زهرانی امن آری اولارتاریخ ساز
واژه سازوواژه پردازیکه تازو پاک باز
شیرزهرانی امن شمریله ایلرکشمکش
صبریده دریا اولاردریا کنارینده عطش
شیرزهراشیردوربیربیله شیره آفرین
زینبی بوشیردورکه ایلدی حبل المتین
شیرزهرا شیردورایلراوزاوغلی افتخار
گورمیوب گلسین جهانه بیله خواهرروزگار
مشعل دینی خموش اولسون جهاندا قویمادی
نوحه خوان اولدی حسینه آغلاماقدان دویمادی
بو یقینا نیزده بیرجلویه مجذوب اولوب
محمل ایچره ناقه ده چون قلبی عشقیله دولوب
محمله باش چالدی قانی عشقیلن السون عجین
قدرت عشقه گرک ناز ایلماق (عدلی) یقین
- جمعه
- 19
- دی
- 1399
- ساعت
- 20:3
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه