ساقيا من هوس باده ناب ايلموشم
قوخمادولدورقدحی زاهدی خواب ايلموشم
زاهدا من دليم موعظه آز ايله منه
پوزموشام دفتری ديوانی خراب ايلموشم
گجه معشوقه نی مست می عشق ايلماقا
آييلان اولدوزا بير يرده جواب ايلموشم
دفترايچره يازيلان فکرایلمه شعروغزل؟
باغريمون قانيدی كه زيب كتاب ايلموشم
بيت بيت هرسوزی يازدوقجا اورك قانه دونوب
دايانان وقته قلم دیده پُرآب ايلموشم
هريازاندا من حسين سسلموشم آغلاموشم
اصغرين ياده سالوب قلبی كباب ايلموشم
بيتينه مُلك سُليمان وِرولَه ایتمم عوض
اميديم محشره دی امر ثواب ايلموشم
ايل بويی هفته لری محفل غملرده گيدوب
نوحه خوان اولماقوچون چوخلی شتاب ايلموشم
هرجمعه سسلموشم تا گله زهرا بالاسی
بولمورم راه خطا يا كه صواب ايلموشم
اولمادی نعمت وصلی منه بيرقسمت عمور
اوزومی اوزگنی بيهوده عذاب ايلموشم
محفل غمده چاتوب باشه بوعمروم قوتولور
دل دوشوب تاب وتبه هجرينه تاب ايلموشم
بارالها هامودان ال اوزولوب تك قالالی
گينه ده من سنون اوستونده حساب ايلموشم
داد مهرين سوزی شيريندی سويوب «عدلی»اونا
نچه خط يازدی دِئدی دفتره باب ايلموشم
- جمعه
- 19
- دی
- 1399
- ساعت
- 20:8
- نوشته شده توسط
- یوسف اگبری
- شاعر:
-
حاج اصغر فرشچی
ارسال دیدگاه