ایشیق گوندوز گوزومده تار اولوبدی
نفس چکماق آقا دشوار اولوبدی
چراغ عارفان یابن الحسن گل
بوهجراندان بدن بیماراولوبدی
یتیش امداده گل عاشق لرون گور
زمان غـیبتونده خواراولوبدی
شفا بخش دل دلداده لرگل
بوشیعه دوزماقا ناچار اولوبدی
بیرعده ظلم وافساده اَل آچدی
دینی ایمانی پول دیناراولوبدی
ویرور ناهی نصیحت آنّامورسوز
دیور اعمالینه وادار اولوبدی
گلستان گُللری سولدی چمنده
داخی گُل آچموری بی بار اولوبدی
گَل ای مظلوم لارین حقین آلان گَل
ره ظلم وجفا هموار اولوبدی
گَل ای گلزارعشقین تک گُلی گَل
پوزولدی گلستان پرخاراولوبدی
ریا وفته یا صاحب زمان گَل
جهاندا رونق بازار اولوبدی
یگانه آبروی مسلمین گل
معلّم (عدلی) چوخ بی یار اولوبدی
- جمعه
- 19
- دی
- 1399
- ساعت
- 22:12
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه