شیطانی قوون سالمیه آیری ائلیمزدن
بیر شاخه دنوخ تیشه ویرا گول پیلیمزدن
مذهب آدینا تفرقه ایستور سالا کافر
غفلت آیورار بیزلری دیندن دیلیمیزدن
بحث ایلیماقا مسئله نین طرحینی توکدی
قویدی به خبر هفته دن آیدان ایلیمیزدن
دین قارداشیوخ ال قوی الیم اوستونه قارداش
چکسین ایاقین توپراغوموزدان گلیمیزدن
ال قوی یاراداق بیرلیقی اسلام آراسیندا
دشمن آپارا بولمیه تا توک تِلیمیزدن
ویران ایلیاق ظلم بناسین بو جهاندا
داغلار بویی آخگین بوامانسیز سِلیمیزدن
هوهوسسینه قورخوداخ اوزکولگه لریندن
دشمن بوله طوفانلاری وحدت یِلیمیزدن
سیل تک جوشوداق دریانی موسی کیمی حقدن
فرعونلاری غرق ایلیاق اولسون نیلیمیزدن
بوفعله خدا احمد وهم ذکر صلواتی
دشمن چکه هرنقشه آلانماز اَلیمیزدن
وحدت کمرین باغلیه همّت ایده مسلم
دنیا یغو شا «عدلی»آچانماز بلیمیزدن
- جمعه
- 19
- دی
- 1399
- ساعت
- 22:19
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه