افسوس اجل يتوشدی خدا دل و دلداريم اولمادی
غربت ايچينده ناخوشام پرستاريم اولمادی
گلزارعشقيده گللريم سولوب پرپراولدولار
صحن چمنده منيم بلبل و گلزاريم اولمادی
قان باغليوب اورگيم غُصَّمی ديوم كيمه
درديم چوخ اولدی ديماقا گفتاريم اولمادی
جان اوستيم باجُوام باشيم اوسته گل
گل تك سارلموشام رُخ و رخساريم اولمادی
گلسن اورك سوزون ديرم صون نفسده من
باوربويورسندنصورا محكم حصاريم اولمادی
شام اهلی شامه دوندروب ايشيق گونوزی منه
دشمن شماتت ايدوب بو يرده منيم غمگساريم اولمادی
قسمت منه بويوموش شامده ياتام افسوس
گلزار كربلا يری قارداش مزاريم اولمادی
عباس علمداره دِ جان اوستدی باجون
گورسه اگر جماليوی ديمز علمداريم اولمادی
باش ياره لی نجف پادشاهی گلسه گرمنيم
بازارعشقيده ديمرم خريداريم اولمادی
جان نقدينه مشتريم گوزلور گوزوم آنامی
گلمزندن بو يوسفيم نيه بازاريم اولمادی
نسوان شامه دينه گلون باغليون گوزومی
عمروم چاتوب باشا غريبم " ياريم اولمادی
اُلسم دوتون شام غريبان بو زينبه
حتماً گلر آنام ديميون غمخواريم اولمـادی
زينب غمی قورتولان دگی ياز(عدلی) سن ديمه
هرگز منيم طبع روان و سر شاريم اولمادی
- جمعه
- 19
- دی
- 1399
- ساعت
- 22:32
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه