اولان شهيدكربلا
گور نه نوايه گلموشوخ
بو قبرين اوسته دوتماقا
بيزده عزايه گلموشوخ
كرب و بلايه گلموشوخ
دارلشفایه گلموشوخ
غم محفيلينده اولموشوخ
خانه به خانه كو به كو
شرح ايليوبلر غم لرين
نكته به نكته مو به مو
كربو بلادن سوز دوشوب
ايتدوخ اوركدن آرزو
زوار اولاخ اولدوخ آقا
شُكر خدايه گلموشوخ
كرب و بلايه گلموشوخ
دارلشفایه گلموشوخ
بوهيئت اهلی یاحسین
غم محفلينده با وضو
حسرت چكوبله ايل بويی
هر لحظه اولدی گفتگو
شكر اولسون آللهَ دوروب
قبرونله ايندی روبرو
اكبريوه دوتاخ عزا
شور و نوايه گلموشوخ
كرب و بلايه گلموشوخ
دارلشفایه گلموشوخ
عشق اهلينه بو مدفنون
مثل جناندی يا حسين
مست می عشقون اولان
اهل جهاندی يا حسین
هر درده درمان بوردا وار
مشکل آچاندی يا حسين
بو افتخار اولسون بيزه
خلد علايه گلموشوخ
كرب و بلايه گلموشوخ
دارلشفایه گلموشوخ
ويروخ قسم عباسيوه
هم زينبه هم اكبره
زهرا آنان هم حيدره
شش ماهه تشنه اصغره
بيتون براتين ايستوروخ
وير اُلمه ميش سن بيز لره
بيز نوكروخ هم سائلوخ
باب عطايه گلموشوخ
كرب و بلايه گلموشوخ
دارلشفایه گلموشوخ
واردی مريضه بير قيزی
«عدلی» باشی بلاليدی
بحر گناهه غوطه ور
بوردا ولی عزاليدی
قربان جانی مزاريوه
لطف ايله دست خاليدی
كان كرامت سن آقا
باب شفايه گلموشوخ
كرب و بلايه گلموشوخ
دارلشفایه گلموشوخ
- جمعه
- 19
- دی
- 1399
- ساعت
- 22:52
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه