ای حُجّت حق مير عرب شاه خراسان
لطفاً بيزه مولود گجه سی ايله بير احسان
کر:
ای كعبۀ
اهل وفا
جانم رضا جانم رضا
ای ملجاء
شاه وگدا
جانم رضاجانم رضا
ای خطّۀ ايرانه ويرن شأن و شرافت
زوّارون اولا كيمسه سنی ايتسه زيارت
احسان ايده سن سائلوه ايستسه حاجت
محشر گونی سنلن اولاجاق خلقه شفاعت
مولای جهان سرور دين سر و گلستان
لطفاً بيزه مولود گجه سی ايله بير احسان
جانلار سنه قربان كه قاپون باب هدادی
اسموندی رضا جملة اسماء خدادی
درگاهيوه اولموش خدمه شاه وگدادی
زاير كه گلر طوسه بولركرب و بلادی
ای ضامن آهو و غريب حافظ قرآن
لطفاً بيزه مولود گجه سی ايله بير احسان
زوّار گلر قبريوه سرّين دئير آغلار
اظهار ايلير دردينی هر درده گرفتار
مشتاق اولی بير باخماقوا ياور ودلدار
قالماز اونا گر لطفون اولا درديدن آثار
ای عالميانی ايدن اوز عشقينه حيران
لطفاً بيزه مولود گجه سی ايله بير احسان
حسرت چكرم بيرده مزارون ايليم بوس
قبروندی بو قلبيمده منيم گوشة فردوس
اميديمی حرمانه دونوب ايلمه مأيوس
احسان ايله قربان سنه ای پادشه طوس
ای وصلتی مشكل آچان اي دردلره درمان
لطفاً بيزه مولود گجه سی ايله بيراحسان
ای طوسی ايدن خلد برين حُجّت يزدان
گتموبدی قاپوندان بيری مأيوس و پريشان
قربان گوزيوه باخ منه ايت درديمه درمان
لطفوندی ايدن شاه و گدا قلبينی شادان
ای بحر عطا جود و كرم مظهر ايمان
لطفاً بيزه مولود گجه سی ايله بير احسان
شاها كرموندن بيزه محتاج عطايوخ
كشكول اميد قولدا سالوب دست به دُعايوخ
مشتاق زيارت سفر كرب و بلايوخ
جدوندی حسين دينه فدا بيزده فدايوخ
ای جان جهان جانلارا جان مفخر ايران
لطفاً بيزه مولود گجه سی ايله بيراحسان
ای خلقتی نور عرشه چاتان رتبه و جاهی
آدمدن ازل خلق اولونان نوری الهی
محشر گونی ای شيعه لرين پشت و پناهی
خادمدی سيزه «عدلی» اگر واردی گناهی
اميد شفاعت واريدی شافع عصيان
لطفاً بيزه مولود گجه سی ايله بيراحسان
در صورت زائر بودن مصرع دوم مطلع شعر را بخوانيد
(زوّاريوه لطفاً شه طوس ايله بير احسان)
- جمعه
- 19
- دی
- 1399
- ساعت
- 23:17
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه