هرکیمسه که آرزوی جمال خدا ایدر
اوّل زیارت حسین و هم کربلا ایدر
عشاق سینه چاک خداوند لا مکان
جمال یار کربلاده گورر التجاء ایدر
جانلار فدا شش گوشه مرقد پاره پیکره
دنیا گوزی اودور تُربتینی توتیا ایدر
نه دلگشا حرم و صحن و بارگاهی وار
اول یردی که عاصی لرین دردینه دوا ایدر
درگاه قدسیده شاه شهید ابن فاطمه
درمان درد مریضان بی دست وپا ایدر
حیرتدیم که حرم کربلا اولا اولا
رضوانی زاهدآختاری نچون هی ندا ایدر
یا رب ندن ویروبلا قلبینه اوچ شعبه لی اوخی
بیر اوخ که جهاندا شور و قیامت بپا ایدر
لعن خدا قوم لعینه تا روزحشر اولا
عاشوریده ذبح عظیم ایدوب من قفا ایدر
آلّانساجیفۀ دنیایه بیری بش گون عمروده
زهرانی آغلادار بلی حسینه جفا ایدر
خنجرچکوبدی شمرآیروا رأس امامی گور
کافر گورر بوامری نه فقط بی حیا ایدر
هموارایدوب حسین ره دین مردانه باش ویرب
مسلم اولان اُودیحسینینه اقتدا ایدر
اگمزحسین شیعه سی جبّارروزگاره باش
فکرایتمه عاشقی بوفعله چون وچرا ایدر
عشق عالمینده عاشق وتابع حسین
جانین فدای حسین شهِ گلگون قبا ایدر
سجاده امراولونوب بابا سین دفن ایده گرک
امامدور بولر ندن کفنین بوریا ایدر
قویوبدی مزاره آتا جنازه سینی امام
گوروبلر اشکی رواندی خفاده نوا ایدر
عنایت ایتسه خدا گیدر (عدلی) مزارینه
اشکین توکر ذخیرۀ روز جزا ایدر
- جمعه
- 19
- دی
- 1399
- ساعت
- 23:24
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه