ايلدون دشت بلاني سن حسين ملك منا
قتلگاه عشقه گتدون واريوخون اولدي فدا
قانه باتدون عشق گودالينده عاشورا گوني
هم اوزون همره لرون ايتدوز بو قان ايچره شنا
حنجرون خنجر اوپنده ظلمت اولدي اسدي يل
يل نه يل طوفان نه طوفان آغلادي عرض و سما
خارج اولدي خيمه دن ال لر باشيندا زينبون
گلدي گوداله نه گوردي قارداشي غرق دِما
گوردي قان درياسي وارشور قيامتدن خبر
وار علامت محشر كبرائيدن اولموش بپا
گوردي عريان بير بدن وار نه باشي نه بارماقي
سينة سيناده اوخ لار باش باشا هر ي يارا
هر يارا گوز گوز آچوبدي مرحم ايستور گوز ياشي
آغلادي مرحم قويا خدمت اولا قارداشينا
اگمين باش دشمنه باش اگموسن جانانيوه
تابع تقديرسن ايتدي قضا جورو جفا
پادشاه عشقسن ويردون قفادن باشوي
عشقوه قربان گوروبلر قاتلون ايتدون دُعا
جسمون عريان قالدي يرده آچدي ياره لاله لر
اولدي گلشن قتلگاهون روح بخش و با صفا
چون نمازاوسته آتان بذل ايلدي انگشترين
خاتم و انگشتي باهم بَجْدَلَه ايتدون عطا
سن سخاوت ملكونه شاهنشه بخشنده سن
«عدليه» ايله عنايت شافع اول روز جزا
- شنبه
- 20
- دی
- 1399
- ساعت
- 19:52
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه