سبک : ایران اگر دل تو را شکستند...
عباس
دور ای بو چولده سر سپاهیم
امیر لشگریم پناهیم
دریای مِحنت ایچره غرقم
چیخوبدی عرشه داد وآهیم
آی تک
دور ابرخون ایچینده باتما
اوغولسوزی گوزوندن آتما
حرم لریم یولوی گوزلور
سرشگ چشمی قانه قاتما
عباس
بو چولده من مُصباح دینم
دخت رسوله نور عِینم
سن جعفرطیاریم اُولسه
قالمازکسیم من بی مُعینم
قارداش
دشمن توان سندن آلوبدی
قول لاریوی تندن سالوبدی
قانون آخوب سو تک بو چولده
مشک و علم یرده قالوبدی
عباس
گل تک سولوب خردا اوشاقلار
خشکیده دی تشنه دوداقلار
بولمول له مشکینده سو یوخدی
اَخیمده یول گوزلور قوناقلار
یاتما
دوربیرده پرچمون اله آل
گوتور او مشکی چگنیوه سال
هلاک اولور سوسوزدان اصغر
سن قیدیمه قارداش اوزون قال
بولدوم
سو مشکینی فراته سالدون
آرامشی دشمندن آلدون
مشکی پُرایتدون ایشمَدون سو
ایتدون مُواسات تشنه قالدون
عباس
سن تک لب عطشانه قربان
قولسوز دوشن میدانه قربان
تحصیل ایدن دین مکتبینده
جان بذل ایدن جانانه قربان
یارب
ای درگهی رحمت پناهی
وار (عدلنون) چوخ اشتباهی
جرمون بغیشله من حسینه
عفو ایله بو غرق گناهی
- شنبه
- 20
- دی
- 1399
- ساعت
- 20:27
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه