برابر کعبیه حج رضادی
حریم کبریاسی دلگشادی
اولوبدور روضه سی باغ بهشتی
او قدسی درگهی جنت سَرادی
اولار شبهای جمعه بش قوناقی
مدینه هم نجف کربو بلادی
طواف کعبه واجب محترمدی
بو یرده کعبۀ دل با صفادی
نجه آلله ایون ایمن سایوبدی
بو یرحصنِ امین ِکبریادی
کیم ایستر آستان مصطفانی
ضیاسی جلوۀ شمس الضحادی
اگر مخفیدی شیعه قبر زهرا
حریمی جلوۀ فخرالنسادی
حریمینده اولار قرآن تلاوت
محل هم مناجات هم دعادی
ایچوب آب حیاتی گرقالورخضر
حقیقت اهلینه آب بقادی
آلارتوحید درسین اهل عرفان
ره حقه چراغ رهنمادی
اوگلشندورکه سولمازهیچ خزاندا
بوگلشن صاحبی اهل ولادی
مریضی که اولوب مأیوس طبیبدن
گلر بو درگهَ دارالشِفادی
صداقتلن گله هر بیرگرفتار
آچارمشکل اونا مشکل گشادی
اوپللر آستانین شهر یاران
عطاسی شامل شاه و گدادی
ایدر زوارینی اوچ یرده دیدار
نقدر مهمان نواز و با وفادی
بیری میزان بیری نشر عملده
بیری راه صراط پربلادی
نه تنها شیعیه فایضدی فایق
مسیحی و یهوده با عطادی
اولن وقتینده (عدلی) وحشت ایتمز
باشی اوسته دوران چون که رضادی
- شنبه
- 20
- دی
- 1399
- ساعت
- 20:35
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه