عزّت گولی آچوب جان گلدی گللره
مهدی آدی دوشوب بو گونده دللره
نرگس آناسی دور فخر ایلور ایللره
تاپدی صفا جهان یا صاحب الزمان
الغوثُ الامان یا صاحب الزمان
زهرایه ویرخبر مهدی بالان گلوب
پیر اولمیه قالا حشره جوان گلوب
اوغلون حسینوین قانین آلان گلوب
اولدی قمر عیان اولمز قالار جوان
الغوثُ الامان یا صاحب الزمان
شاد اولدی هرچمن گللر گل آچدیلار
مأیوس اولوب زغن زاغیله قاچدیلار
بلبل لریله گل باهم دولاشدیلار
دیوان حق آچار طاغوتیان قاچار
الغوثُ الامان یا صاحب الزمان
کوثر بالاسی دورحسنونده یوخ مثل
خلق ایلیوب بونی آللهی بی بدل
بیرگوزگورنمیوب بوندان اولا گوزل
نور خدادی بو قلبه صفادی بو
الغوثُ الامان یا صاحب الزمان
مفهوم علمدی دنیای بینشه
قرآندی ازبری سرلوح دانشه
خلقتده شاهکا بو آفرینشه
شاداندی شیعان اولدی قمر عیان
الغوثُ الامان یا صاحب الزمان
گل اوسته آچدی گل شمس وقمرعیان
گلدی عدالته بازوی پر توان
سسله آدین دینه یا صاحب الزمان
ادرکنی مهدیا مهدی بیا بیا
الغوثُ الامان یا صاحب الزمان
قامتده سرودی لب جام کوثری
حُسنی حُسیـن دور صولتده حیدری
مخلوق عالمی ایلر بو رهبری
کان وفادی بو اسمی دوادی بو
الغوثُ الامان یا صاحب الزمان
آیت دی خالقه وار دور نجابتی
دنیا بویی وقار شأن و جلالتی
باعثدی روزیه عشق و محبتی
لطف ایلیوب خدا ـ بو اولدی مقتدا
الغوثُ الامان یا صاحب الزمان
اورگتماقا گلوب صدق و صداقتی
اخلاص و همتی میزان عدالتی
دنیاده گتماقا راه ولایتی
آئین صحبتی ـ جنگ و شهادتی
الغوثُ الامان یا صاحب الزمان
هجران غمی اولار هر دردیدن آغیر
داغ لار کیمی اگر غم اوستوه یاغیر
درمان دردیوه گل مهدینی چاغیر
چوخ دور عنایتی ـ فضل و کرامتی
الغوثُ الامان یا صاحب الزمان
گلزار عشقیده آچدی گول مـراد
اولسون جهانیده خواهان عدل و داد
یاز«عدلی»مدحنی دللرده شور یاراد
زهرا بالاسیدور ـ جانلار فداسیدور
الغوثُ الامان یا صاحب الزمان
اولسون گرک بوگون دللر ده بو سخن
خوش گلموسن آقا یا صاحب الزمن
الغوثُ الامان یا صاحب الزمان
- شنبه
- 20
- دی
- 1399
- ساعت
- 20:41
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه