من كيمم دلداده و شوريده سر
هجراليندن باغريقانم قلبي ياره در به در
هركيم احواليم سوروشسا واهمه اِتمه دِنه
مو پريشان جان به لبدي چون دگوب تير نظر
چشم گريان آه دلده ايسترم من بوگجه
صبح آچولسا اسميه باد صبا وقت سحر
شعله ور ايلرجهاني گر چكم آه اوسته آه
آتشين عشقه آلوشدورام يانار هم خشك وتر
بير آييم وار آسمان و كهكشاندا يوخ تايي
نوروني اوندان آلار بونه فلك شمس و قمر
بولمورم ابرين داليندا گزله نوب چخماز ندن
ايليوب حيران و سرگرداندي اولاد بشر
دلده سوداسي اورك قان جام عشقيندن خمار
رهسپارم دنيادا دنيا محل رهگذر
حسرتم ديدارينه عمروم گچور بو خسته جان
گوزلوري بيرگون گَله اما صنمدن يوخ خبر
لطف يزدان شامل اولسا بير جمعه گَلسه آقام
بولدورر بير عده يه آيا نه دور بو خيرو شر
اوچ يوز اون اوچ ناصريله كعبه دن ايلر ظهور
تا ايده دين ملكون آباد مهدي زهرا گَلر
آتش عشقه اگر چه اود دوتوب (عدلي) يانار
ياندورار هجران اودي بو امتي اوددان بتر
- شنبه
- 20
- دی
- 1399
- ساعت
- 20:47
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه