حسین عشقی اولامطرح می ومیخانه لازم دور
طواف حُبّ عشق و ساقی و پیمانه لازم دور
حسینون عشقی دنیاده یانان بیرشمعدورسونمز
شرارعشق وهجرینده یانان پروانه لازم دور
حسین گل واژۀ عشقی ایدوبدورقانیلن معنی
بو عشق وواژه اسرارین بوله رندانه لازم دور
حسین دور محرم اسرار مسیح آسا ایدن اعجاز
وصالین آختاران یوسف گله کنعانه لازم دور
بیری گر دام امراضه اسیر و بی قرار اولسا
طبیب حضرت عشقه گله درمانه لازم دور
حسینیلن ایدن سوداگرک ایچسون می وحدت
طریق عشقیده گورسون جانـا جانانه لازم دور
حسین معشوقینه چاتسون ایدوب بیرنهضت عالی
کیم اولسا سرخوش نهضت اونا شکرانه لازم دور
اوسرخوشدان بیری لیلی دوشوردی آیری اکبردن
او تار عنبر افشانه گوروب دور شانه لازم دور
اوسرخوشدان ربابیدی گوروب گهوارده اصغر
دیور لبیک بابا جنگه گیدم مـردانه لازم دور
اوسرخوشدان بیری عباس سومشگین اوخلیوب دشمن
یانور اخیامیده اطفال صغیر عطشانه لازم دور
اوسرخوشدان بیری زینب آدین سرلوح عشاقه
یازوب خالق دیوب عشقه فقط دردانه لازم دور
او گون که نور موسانی کسوب لرطور سیناده
گوروب دریا دونه امواجیله طوفانه لازم دور
شاخوب رعد محبت گوز سو ویردی آخدی باران تک
بوغولدی غم دنیزینده دئیدی قربانه لازم دور
سو ویر سونلرصورا ذبح ایلسونلر قبلیه ساری
بو امره با وفا اولماق هامی انسانه لازم دور
ویروب قاضی شریح فتوا قتیل اشقیا اولدون
شرف سیزحاکم اسلام دوشه زندانه لازم دور
گل وگلزار عشقوندن سیچوب تر گللری الله
قالان گل لرطراوتدن دوشر گلخانه لازم دور
- شنبه
- 20
- دی
- 1399
- ساعت
- 20:57
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه