كربلاني ترك ايله شامه گل
جان ويرور بو غربتده زينبون
اوخلي كوينگون باغرينا باسوب
گوزلوري بو حالتده زينبون
غمليدي اورك لخته لخته قان
يدّي قارداشون غم ياراسي وار
عشقي وارحسين زينبون سنه
باشنون اودورچوخ بلاسي وار
هانسي باجينون من تك عمريده
بو قدر قضا ماجراسي وار
بوتجارت عشقدور حسين
سود ايدر تجارتده زينبون
گل اُلور باجون باغلا گوزلرين
يوخدي بير نفر قيدينه قالان
بي كسم غريبم بو يرده من
اولماز هيچ منيم درديمي آلان
گرچه من حسين باغليانماديم
گوزلرين سنون آيرولان زمان
گل حسين گوزون باغلا قالميه
انتظار و حسرتده زينبون
سن شهيد اولاندا بو گوزلريم
سيل تك توكوب قانياش آغليوب
صبر ايدوب غمه داغدار اولوب
شهر شاميده سينه داغليوب
قورتولوبدي عمرخسته جانيله
ايلوري سفر جامه باغليوب
صون نفسده دي تز يتير اوزون
حالت زوالتده زينبون
گل نفس دوشوبدي شماريه
چيرپونوراورك بيقراروام
سمت كربلايه باخورگوزوم
قانياش آغلوري انتظاروام
گل منه بو لطفون تمام ايله شمع
تك يانان شعله باروام
گل باشيم ديزون اوسته جان ويروم
قالميه ملالتده زينبون
آغليوب باجون چوخ سنه حسين
سنده گل بيرآز آغلا زينبه
داغليوب باجون سينه سين غمه
سنده سينوي داغلا زينبه
باش ياراسي چوخ باغليوب باجون
سنده گل يارا باغلا زينبه
بو جهاندا هيچ دينجلنمدي
دينجلر قيامتده زينبون
هاردا گل حسين اكموشم منيم
گلستانيمون گللري سولوب
با غريقان ايدوب غصّه لرمني
اشك غم لره گوزلريم دولوب
حسرتيله بو روحي آيرولور
فكري ذكري گل يا حسين الوب
ليك گوزتيكوب گوزلوري يولون
گل زمان رحلتده زينبون
وار ارادتی«عدلينون» بيزه
روزو شب ايدر گوزياشين روان
نطقيدن دوشوب خامه يازموري
گون بگون اولورجسمي ناتوان
ايستورم ديم قيل نظراونا
اي شهيدعشق شاه انس وجان
كربلايه دعوت ايله گله
قالميه شكايتده زينبون
ربانحال امام حسین علیه السلام
( جواب)
روحومون قوشي ايستورم اوچا
پرآچا باشون اوسته بير قالام
قول بويون اولام سنله بيرباجي
درد و غملرين سينمه آلام
سينم اوسته ليك اصغريم ياتوب
قورخورام دورا سود امر بالام
يوخ آناسونا تاپشورام اوني
آغلاسون چوخ عطشاندي زينبيم
مندن آيري سن چوللره دوشوب
گوزده اشكوي قانه قاتموسان
داغ بويي بلايه دايانموسان
بالش غمه چوخ باش آتموسان
كربلاني من مدفن ايلديم
سن دمشق شهرينده ياتموسان
يات رقيّميلن دارخماسون
حالتي پريشاندي زينبيم
سن مدينه لي من مدينه لي
شامي سن باجي كربلا ني من
سن اسير عشق من شهيد عشق
مسكن ايتموشم نينواني من
جانه آلموسان سن بلا لري
جانه آلموشام هربلاني من
نهضتيمده وار شركتون سنون
عالم اهلي حيراندي زينبيم
- شنبه
- 20
- دی
- 1399
- ساعت
- 21:6
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه