ای بو نا آرام اولان دنیامیزون آرامی گَل
عالمی دوتمیش صَنَم وی سیندیران اَصنامی گَل
جمعه لَر هر گون باتاندا دود آهیم قوزانار
سنده دور درمان ، چوخالدی سِینَمون آلامی گَل
بیلمورم آخر هاچان بولَیل ظُلمت صبح اولار
جام صبریم داشلانوبدور دولدورار مین جامی گَل
گَلمَه میش پیک اَجل خوشدور جمالون بیر گورَم
کامَه قوی باری یتیشسون بو دلِ ناکامی گَل
ایستیور پَرگار دینی سیندیرا اَغیار اَلی
قویماخواراولسون جهانداشیعه نون فرجامی گَل
گوئیا کُفّار ایچر هر گون مسلمان قانینی
جام زرّینه توکوللر بادهء گُلفامی ، گَل
اُمّتین نورس شَبابی زار و سرگردان گزور
یاهیلَر دَنسیز قالوب صَیّاد آچوبدور دامی گَل
نازنینلَر دَفع شَر ایلوب حَرملَردن ، ولی
سن ئوزون گَل پاک ائله بوکوفه یلن شامی گَل
آچ اَلونلَه سن اَبَاالفضلین او قانلی پَرچمین
جِلوَه لَنسین قامتونده جَدُّوین پیغامی گَل
(نادرم)کونلوم قوشی آختاردی وَصلین بامینی
انتظارونده ولی صبح ایلَدیم آخشامی گَل
- یکشنبه
- 21
- دی
- 1399
- ساعت
- 10:32
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه