شَرر آه اوجالار قلبیم اَسَر جمعه گونی
گون باتاندا منه چوخ ایلر اثر جمعه گونی
گوزی یولدا قالانون صبر و قراری آزالار
ئولمَگیمنَندن اولار گاهی بَتَر جمعه گونی
بیلورَم که نَدن اولموش ئورگیم غم یوواسی
چون دیوبلَر گَلَه جَک نور بَصر جمعه گونی
اَل اَیاقدان دوشرَم گون یورولان وَقتیده من
صَحن عالم اِئله بیل سِجنَه دونَر جمعه گونی
کونلومین خَسته قوشی اوچماق آچموش قَنادی
منتظردور آچیلا صُبح ظَفَر جمعه گونی
اَجَل اوننان قاباقا دوشسَه اگر نیلِیرَم
اِئتمه ایراد که جان اولسا بِسَر جمعه گونی
(نادرم) عمر بویی جمعه لَری من سانورام
انتظاریم بیلورم اولماز هَدَر جمعه گونی
- یکشنبه
- 21
- دی
- 1399
- ساعت
- 10:34
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه