عشقونله مَست مَستم کرب و بلاده الله
بو من بو باش بو خنجر قانلو مناده الله
بو کوینگی گینده زینب گلوب نوایه
سَسلوب نَنَم بتولی گلسون بوگون عزایه
قزلار اَل آتدی باشه دیل آچدیلار دعایه
آه و نوا اوجالدی بو نینواده الله
باش یاره سینه یاره ، سایسیز یارا واریمدی
نَه یاره باغلیان نَه درده دوا واریمدی
من بیرغریب وعطشان سَنسیز هارا واریمدی
قوریان دوداقیم ایندی ذِکر و دعاده الله
اَخیامیده پریشان تِللَر چیخوب یادیمنان
اوچ پَر اوخا نشانه اصغر چیخوب یادیمنان
جدیم شَبیهی اوغلوم اکبر چیخوب یادیمنان
اکبر سنه فدادور قانلی عَباده الله
بو چولده شیخ و شابیم یان یانه قانه باتدی
یتشمیش نفر باشیمدا دشت بلاده یاتدی
دنیانی بو حسینون یاهو دیَنده آتدی
تاکه حسینی گورسون سِلم و رضاده الله
حُریَّتین بَناسین قانلو مناده قوررام
من بوینومی مگر بو اَهریمنانه بوررام
حُکمونده بارالها مین اوغلوم ئولسه دوررام
ثابت قدم دایاننام من هَر بلاده الله
بلبل گلر فغانه گئتسه تالانه باغلار
بلبللری حسینون لیکن جهانی داغلار
(نادرده) اِنزواده یازدوقجا نوحه آغلار
شاید تَرحُّم ائتسون یوم جَزاده الله
- یکشنبه
- 21
- دی
- 1399
- ساعت
- 11:0
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه