سن ائتدون عمل عهدیله پیمانه حسینیم
من ضامنم اَلسّاعه آخان قانه حسینیم
سن بندهء محبوب حَقِ لَم یَزَلی سن
هم بنده سن هم هالهء نور اَزلی سن
زهرانون عزیز اوغلی حسین بن علی سن
عِزَّت وئرر آدون بو بیابانه حسینیم
معشوقون اولوب عالم ایجادیده خالق
بیل سندن علاوه منم ایندی سنه عاشق
گَل مَحضریمه ای اولان ئوز عشقینه صادق
نایل اولوسان ساحَت جانانه حسینیم
عرش اهلی اَنوبدور باخا سلطان حجازه
سرگشته دی اَرواح رُسلده بو نمازه
باغلوبدولار اِحرامیلری راز و نیازه
والهِ دی هامی نغمهء قرآنه حسینیم
ای تشنه هامی اولدی عِنایاتووَه تشنه
حیرتدَه قالوب خِضر کَمالاتووَه تشنه
مین چشمهء حَیواندی مُلاقاتووه تشنه
عطشانیدی کوثرلب عطشانه حسینیم
باخدوقجا سنون حالووَه آغلار اوجا داغلار
(بو یاره لری کرب وبلانون توزی باغلار)
مقتلده باجون زلفین ائدوبدور کفن آغلار
اوخشار سنی زهرائله یان یانه حسینیم
- یکشنبه
- 21
- دی
- 1399
- ساعت
- 11:2
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه