نِجه زینبدی خانم شیر خدا زینبیدور
پنج تَن سویگُلوسی آل عبا زینبیدور
نجه زینبدی اونون شَانینه حیراندی عُقول
مَهد تعلیمی اولوب سینهء زهرای بَتول
هَل اَتی مَنزلت عِترته گر اولدی نُزول
هَل اَتایَه یاراشیق اهل کسا زینبیدور
آدی داغلاردان اوجاکرب وبلا زینبیدور
نجه زینب که اونی اُمّ اَبیها بِجَروب
حیطهء عشقیده بیرسالک معنا بِجَروب
رزمیده شیرزن و صبریده دریا بِجَروب
قَلعهء دینی اونون خُطبه سی آباد ائلدی
صود وِئرن دامن اونی عشقیده اُستاد ائلدی
نجه زینب که ئوزی حل مُهمّات ائلین
قُلّهء عشقه چیخان سِیر حِجابات ائلین
عِصمت اهلی آدینا جُمله مُباهات ائلین
مریمه بیر باخیشی نَفسِ مَسیحادَن عزیز
آسیه فَخر ائلیر فِضَّه سینه اولسا کنیز
نجه زینبدی خانم خیرالنسا زینبیدور
مَشعر و کوی مِنا غار حَرا زینبیدور
قامتی پیکرهء حُجب وحَیا زینبیدور
قُطبِ هَستیدَه اولان نُه فَلکون اولدوزیدی
حَسنینون باجیسی حیدرون حیدر قیزیدی
نجه زینب که جَلیلَه صِفت و مُحترمَه
آستانینده اولان جمله مَلکلر خَدَمه
آدی اِخطاریدی اَدواریدَه تخت ظَلَمَه
خُطبه سی موجه گلر بَحرشجاعتده داشار
اونا بیچاره دِئمک فکرائله هِچ گور یاراشار
نجه زینب که مَقاماتی بیلینمَز عَلنی
یازور انصاف اِئلَمور بعضیلر آیری سخنی
شَانینی سِیندیرانون وار یِری سِینسون دَهنی
خیبری سِیندیرانون زُهرهء بیداریدی بو
قهرمان فاطمه نون حیدر کرّاریدی بو
بو خانم پیکرهء زُهدو حَیانون تاجیدی
کربلا شاهینه ایستکلی عزیزه باجیدی
دئمه مُحتاج آدینا عالم اونون مُحتاجیدی
حرم جَدّینه هَر گَه که سالاردی یولونی
یِدّی قارداشی آلاردی خانیمون ساق صولونی
بیلدی قارداشلارینون قَدرینی اَوّلده ئوزی
اولارون تَک تَکینه هر ساتاشان وقتی گوزی
ئوز ئوزیلن دانیشاردی بو اِشارتلی سوزی
یِدّی قارداشی منه پای بولَن اَل یاخشی بولوب
نَنَه مون اولمادی بیرقارداشی قارداشسیز ئولوب
ائله بیل سیر قضا ایستدی پای بیرده بولَه
دوستلاری آغلاشا دشمنلر اونی گورسه گولَه
کیم دیردی بوخانیم بیرگونی قارداشسیزئولَه
تِز اوزولدی عجبا زینب اَلی طَنطَنه دن
پای آپاردی بو آدامسیزلیقی آخر نَنَه دن
(نادرا)خَلوَتووه خوان عَزانی سالوسان
ماتم زادهء زهراده مُعَزّا قالوسان
دم پاک صُلَحادن سوزووه دَم آلوسان
سعی قیل دَفترووه ثبت ائله بَرجسته سوزی
اَنورون شعری کیمی دوز قاتا زهرانون ئوزی
- یکشنبه
- 21
- دی
- 1399
- ساعت
- 11:18
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه